For ikkje så alt for lenge sia var Sunndal Kommune i uføre og det blei innført tilsettingsstopp pga for lita inntekt. Men heldigvis blei vi redda atter ein gong av storebror Hydro og eigedomsskatten.
Dei fleste av oss hugsar dette, især leiinga i pleie- ogomsorgssektoren og fagrørsla.
Grunnen til at eg nemner dette no er for å minne dykk på kva som var realiteten for nokre månader sia, før de kastar bort pengane på ei råflott bru over Driva! 2,5 millionar kroner sette de av som tilskot til det dyraste brualternativet.
Ifølgje SSB tilsvarer 2,5 millionar ca 6,2 årsverk i kommunal sektor. Det kastar de bort for å få ei ”fancy” bru, som attpåtil ligg på fylkeskommunal veg.
2,5 millionar kan heller brukast til å betre barnehagetilbodet i kommunen eller oppgradere kommunale bygg som brannstasjonen. Det er investering med meining i.
Eg kan liste opp mykje meir ein kan bruke2,5 millionar på, men eg trur dette held.
Eg meiner at Sunndal Kommune ikkje har 2,5 millioner til overs, og burde gå for det rimelegaste brualternativet: Ei betongbru betalt av fylkeskommunen!

IKKJE SLØS!

Jonas B. Koksvik
Medlem i Sunndal SV