SV har lenge kjempa for at yrkefagelevar skal få rett til lærlingeplass som del av utdanninga si. Elles blir ho jo ikkje fullstendig.

Torsdag 18. mars er Stortinget ferdig med å behandle stortingsmeldinga «Utdanningslinja» som blant anna handlar om korleis vi kan styrke yrkesfaga og få fleire til å gjennomføre vidaregåande opplæring.

SV meiner at yrkefagselevane må garanterast læretid i bedrift.

SV er veldig glad for at stortingsfleirtalet no går inn for å greie ut ei lovfesting av retten til læreplass. Både SV og SU har jobba for dette i årevis.

Stortingsflertalet går også inn for fleire tiltak for å gjere yrkesutdanninga meir praktisk retta. Blant anna ved ei ny eksamensordning for engelsk. I dag er det ein felles sentralgitt eksamen uavhengig av kva for ei yrkesretning elevane går på. Dagens system der yrkesfagelevane får same engelskeksamen som elevar på studiespesialisering, gjer det vanskeleg å yrkesrette undervisninga. SV vil ha ei undervisning som er meir relevant for det yrket elevane siktar seg inn mot. Da må vi ha ei eksamensordning som passar til det.

Jonas Koksvik
Leiar i Sunndal SV